مصر

Post Reply

بالبلدي: تعالوا نتعارف

Post by Al-Janoubie
صباح / مساء الخير
اسمي "باسم"، (الجنوبي) المدير الإقليمي لخريطة مصر، وعلشان متتخضش فمدير الدولة لا تعني شيئ أكثر من إمكانية التعديل على نطاق مصر كلها، لكن بنفس قواعد محرر الخرائط العادية

شغلي ذو صلة بتكنولوجيا المعلومات وتخصصي في المحتوى البصري للمعلومة.. شاركت في مجتمع ويز من 2016، ومكنتش أعرف عنه حاجة نهائي قبلها.. إنطباعي وقتها إنه برنامج قوي لكن له خريطة رديئة.. ولأن ويز كان فيه إمكانية لتعديل الخرائط قلد أدعبس ورا الموضوع ده قبل ما أمسح الأبليكيشن.. ومن وقتها إتشبكت الشبكة ومش عارف أقلع عن إدمانه

أول ما دخلت هنا في القسم الخاص بمصر، إكتشفت إن خريطة مصر دي كلها على بعضها، بناها بتاع 4 أفراد ولا واحد منهم مصري، وولا واحد منهم موجود حاليا.. طبعا أنا ذهلت.. ومازلت متذكر أول حاجة كتبتها وقتها..
Al-Janoubie wrote: As an IT, I fall in love with waze idea, but the map was very poor and need a lot or work.
So, I started editing my aria next day of downloading the app.
Trying to teach myself how to be more accurate and less error who lead me to the forum and read this thread.. I'm totally surprised to find the map of my country made by few individuals around the world who lived outside Egypt!!

I just want to say: Thank you.. you done amazing work!
ويبدو إن شكري للغائبين، وإللى شغلهم مازال بيتكلم عنهم، أثار إنتباه صناع ويز القدامى.. فتداخلوا للرد عليا وأبدوا إستعدادهم لتقديم تسهيلات ليا قبل ميعادها الرسمي.. وأنا بدوري رفضت وصممت أطلع السلم بالراحة على حسب ما أنا حابب (أي مساعدة حد بيقدمهالك بيكون ليها تمن من الإلتزامات اللى بصراحة بتهرب منها)

تقريبا محدش علمني حاجة (باستثناء إكسبيرت من فرنسا كان في ضهري لما بتزنق) بس الخلاصة إني قريت كتير وغلطت كتير وياما عكيت حاجات، وياما بذلت مجهود في حاجات ليها أثر سلبي معرفوش وييجي حد أعلى مني ينسف كل اللى تعبت فيه
:D فلو ده حصل معاك إعرف إن كلنا لها

محرر الخرائط بالنسبة للناس القديمة (اللى أدعوك تكون منها لو إنت لسه جديد) هو بالنسبالنا مش مجرد أداة للتعديل على الخرائط.. دي حاجة زي كتابة التاريخ بلغة مفهومة للقدامى.. حاجة زي لوحة الشرف اللى بتسجل كل فسفوسة في أصغر حارة مين عملها ومين عدل عليها.. الحاجات دي مهما الناس خدتها المشاغل ورحلت، تاريخها بيفضل قاعد يحكى عن شغلها..

محرر الخرائط عرفني بناس كتير (عمري ما قابلتهم) وقدرت أشوف فيه خبراتهم، وطرقهم الخاصة لحل المشكلات المتكررة.. وإنت بنفسك لما تتقن اللغة دي هاتقولك حاجات عن شخصية كل واحد.. فلان صبور ودقيق وبيضيع ساعات في حاجة صغننة.. فلان مستعجل وعملي وكل تركيزه على الشغل بأسرع وسيلة.. فلان فنان وبيركز على العنصر الجمالي.. فلان متزن وبيحاول يراعي كذا حاجة مع بعض.. إلخ.. وبالتالي لو صادفك القدر إنك تقابل حد من دول وتتكلموا مع بعض، هاتكونوا عارفين حاجات كتير عن شخصيات بعض..


الموضوع ده مكتوب ليه؟ إيه الغرض من التعارف؟
الموضوع ده إستراحة إجتماعية للمحررين.. واقعيا من 2019 الزميل شريف (تينو.تيكو) بذل مجهود غير معلن في إنشاء روابط حقيقية بين محررين الويز، وده إستكمال للشق الإجتماعي اللي بدأه شريف،، مش مطلوب أي حاجة ولا أي مؤهلات غير كونك حابب الإدمان ده، أو حابب تتعاطى مستقبلا
ببساطة هو محاولة مفتوحة لتوسيع دائرة التعارف بين المحررين، وبدل ما تبقى بلغة محرر الخرائط، هاتبقى بالبلدي الشعبي السلس، وبمعزل تام عن أي قواعد

دلوقتي دورك.. إنت مين؟ وجيت هنا إزاي؟

صباح الخير يا مصر
Al-Janoubie
Map Editor - Level 5
Map Editor - Level 5
Posts: 70
Has thanked: 15 times
Been thanked: 10 times
Everyday, when I wake up, I am torn between two desires..
to change the world, and to enjoy the world..
between the struggling of the two, my day is ended..

Post by makarynagy
كلام حلو وممتاز بس طويل جدا الصراحة كسلت اقراه :)
makarynagy
Area Manager
Area Manager
Posts: 44
Has thanked: 4 times
Been thanked: 1 time

Post by Al-Janoubie
makarynagy wrote:كلام حلو وممتاز بس طويل جدا الصراحة كسلت اقراه :)
طاب إقرا أخر سطرين طاه ومتفضحوناش مع الأجانب
:mrgreen:
Al-Janoubie
Map Editor - Level 5
Map Editor - Level 5
Posts: 70
Has thanked: 15 times
Been thanked: 10 times
Everyday, when I wake up, I am torn between two desires..
to change the world, and to enjoy the world..
between the struggling of the two, my day is ended..

Post by makarynagy
انا مكارى باعدل فى الخرايط فى مصر من 2012 وانضميت للمنتدى هنا من اول 2013 :D مناطق كتير شاركت فى اضافتها يعنى لما حضرتك قولت ان معظم المناطق عملها اجانب شرختنى من حوايا :oops:
makarynagy
Area Manager
Area Manager
Posts: 44
Has thanked: 4 times
Been thanked: 1 time

Post by jkl5
صباح الورد
انا كمان حابب انضم للمجتمع المصري
jkl5
Country Manager
Country Manager
Posts: 3401
Has thanked: 1768 times
Been thanked: 907 times
JK
L5
https://i.ibb.co/JFLWTR5/Screenshot-3.png
Waze Map Editor volunteer- Rank 5
Transifex Coordinator for Arabic

Post by Al-Janoubie
jkl5 wrote:صباح الورد
انا كمان حابب انضم للمجتمع المصري
صباح الفل،
بص، علشان يبقى إنضمامك مضمون،، فانت ﻻزم تساعدني في إحباط "مكاري" بأي وسيلة :mrgreen:
ممكن مثلا تبتدي بحكاية تعرفك على مجتمع ويز، وأهم ذكرياتك.. المهم تكتب كتير علشان "مكاري" يحصل له إحباط :mrgreen:

يومك جميل..
Al-Janoubie
Map Editor - Level 5
Map Editor - Level 5
Posts: 70
Has thanked: 15 times
Been thanked: 10 times
Everyday, when I wake up, I am torn between two desires..
to change the world, and to enjoy the world..
between the struggling of the two, my day is ended..

Post by RedZr0669
مرحبا
أول شيء يسعدني أشوف منتدى واز المصري منتعش وفيه أعضاء نشيطة. وأنا فرحان لك أخ بسام وأتمنى تكون خير صديق وداعم للمحررين،
شاركت اول مرة فخريطة مصر بعد ما رجعت من زيارة لمصر أواخر ٢٠١٧. بعد ما انتهت الثلاث شهور للتحديث طلبت AM فبعض المدن وساعدت قليلا فإنشاء بعض الطرقات.
للأسف توقفت عن التحديث بسبب بعض التعقيدات فمجتمع واز المغرب.
رجعت مؤخرا، وأنا مسرور و أتمنى لكم التوفيق
RedZr0669
Map Raider
Map Raider
Posts: 473
Has thanked: 50 times
Been thanked: 23 times

Post by jkl5
Al-Janoubie wrote:
jkl5 wrote:صباح الورد
انا كمان حابب انضم للمجتمع المصري
صباح الفل،
بص، علشان يبقى إنضمامك مضمون،، فانت ﻻزم تساعدني في إحباط "مكاري" بأي وسيلة :mrgreen:
ممكن مثلا تبتدي بحكاية تعرفك على مجتمع ويز، وأهم ذكرياتك.. المهم تكتب كتير علشان "مكاري" يحصل له إحباط :mrgreen:

يومك جميل..
تمام موافق
انا انضممت لمجتمع ويز بقالي ثلاث سنين او اربعة
المجتمع عندنا ايامها كان خامل جداً وبمجرد دخلت وكنت فعال ومشارك شجع الجميع يشارك ويكونوا فعالين وكنت افتح مواضيع ؏ اي حاجة بسيطة محتاجة تعديل او تصليح
طبعا بديت في قريتي اللي كانت شوارعها غير موجودة لى الخريطة ودلوقتي حتى فيه بعض عنواين ومحلات
طبعا كانت جدا شيقة مسيرتي وخلال هذي الفترة استطعت اتقرب كثير من اشخاص داخل المجتمع واشخاص من الشركة
طبعا حاليا انا اصمم واعدل الخريطة بعدة دول عربية منها مصر السعودية وفلسطين وبعض دول الخليج القريبة من المملكة السعودية .
انا ايضا مترجم للعربية بمجتمع ترانزفيكس الخاص بترجمة جميع بيانات ويز سواءا للتطبيق او في المحرر او حتى في الموقع
jkl5
Country Manager
Country Manager
Posts: 3401
Has thanked: 1768 times
Been thanked: 907 times
JK
L5
https://i.ibb.co/JFLWTR5/Screenshot-3.png
Waze Map Editor volunteer- Rank 5
Transifex Coordinator for Arabic

Post by Abouzeid2019
مساء الخير
انا محمد ، وانضميت من حوالي سنتين.

تعديل الخريطة شيئ مهم ومسئولية خطيرة لان ممكن تسبب ان حد معتمد عليك يلبس في حيطة  :D
  :D
 
Abouzeid2019
Posts: 1
Has thanked: 2 times

Post by makarynagy
فعلا الغلطة بتلس حد فى حيطة
كل واحد يبخلى باله وهو بيعدل منطقته+
كل واحد يخلى باله من لغاليغه
makarynagy
Area Manager
Area Manager
Posts: 44
Has thanked: 4 times
Been thanked: 1 time